ایک نیوز:پاکستان سپر لیگ ٹین میں دلچسپ مقابلوں کا سلسلہ جاری ہے،آج پی ایس ایل میں کوئٹہ گلیڈی ایٹرز کا مقابلہ پشاور زلمی سے ہوگا،میچ رات 8بجے قدافی سٹیڈیم میں شروع ہو گا۔
خیال رہے کہ گزشتہ روز پی ایس ایل 10 کے سولہویں میچ میں لاہور قلندرز نے ملتان سلطانز کو 5 وکٹوں سے شکست دے دی تھی۔
قذافی سٹیڈیم لاہور میںایونٹ کے 16ویں میچ میںقلندرز کی دعوت پر پہلے بیٹنگ کرتے ہوئے ملتان سلطانز نے مقررہ 20 اوورز میں 3 وکٹوں کے نقصان پر 185 رنز سکور کیے،کپتان محمد رضوان اور کامران غلام نے بالترتیب 76 اور 52 رنز ناٹ آؤٹ کی اننگز کھیلی، یاسر خان 24، عثمان خان 18 اور شائے ہوپ 9 رنز بنا کر آؤٹ ہوئے۔
 لاہور قلندرز کے ٹام کرن، حارث رؤف اور ڈیرل مچل نے 1، 1 کھلاڑی کو آؤٹ کیا،لاہور قلندرز نے 186 رنز کا ہدف مقررہ 20 اوورز میں 5 وکٹوں کے نقصان پر حاصل کیا۔
لاہور قلندرز کے ڈیرل مچل 64 رنز بنا کر نمایاں رہے،سکندر رضا 39 رنز بنا کر ناقابلِ شکست رہے، عبداللہ شفیق 34، فخر زمان 28، محمد نعیم 6 اور سیم بِلنگز 0 کے سکور پر آؤٹ ہوئے۔
ملتان سلطانز کے عبید شاہ نے 2 جبکہ محمد حسنین، جوش لٹل اور عاکف جاوید نے 1، 1 کھلاڑی کو آؤٹ کیا۔